وزیراعظم شہبازشریف نے اسلام آباد میں خودکش دھماکے میں جاں بحق ٹیکسی ڈرائیورسجاد حیدرشاہ کے اہلخانہ کیلئے مالی پیکج کی منظوری دیدی۔

وزیراعظم نے سجاد حیدرشاہ کے اہلخانہ کیلئے ایک کروڑروپے کی مالی پیکج کی منظوری دی ہے، وزیراعظم نے قانون نافذ کرنے والے اداروں کی تحقیقات کی روشنی میں ڈرائیور کے لئے پیکج منظورکیا۔

وزیراعظم کی ہدایت پرمالی پیکج کا چیک سید سجاد حیدر شاہ کے اہل خانہ کے حوالے کردیا گیا ہے، سید سجاد حیدر کا تعلق رہانہ ضلع چکوال سے تھا اوروہ ڈھوک سیداں راولپنڈی میں رہائش پزیر تھا۔

مرحوم کے پسماندگان میں اہلیہ اور 4 بچے ہیں، سجاد حیدر کے اہل خانہ نے وزیراعظم شہباز شریف کا شکریہ ادا کیا۔