محکمہ موسمیات نے ملک بھرکے اکثرعلاقوں میں موسم سرد، خشک رہنے کے ساتھ ہی ہفتے سے بالائی علاقوں میں بارش کی پیش گوئی کردی ہے۔
محکمہ موسمیات کا کہنا ہے کہ گلگت بلتستان، آزاد کشمیر اور بالائی خیبر پختونخوا میں بارش کا امکان ہے، جبکہ مری، گلیات، مانسہرہ میں بھی بارش اور پہاڑوں پر برفباری کی توقع ہے اورمیدانی علاقوں دھند کی لپیٹ میں ہیں۔
اس کے علاوہ اسکردو درجہ حرارت میں منفی 12 اوراستور میں منفی 11 ڈگری سینٹی جبکہ ہنزہ میں منفی 9 اور گلگت میں منفی 6 ڈگری سینٹی گریڈ ریکارڈ کیا گیا۔
محکمہ موسمیات پنجاب کے موسم کے حوالے سے بتایا کہ صوبے کے بالائی حصے میں مطلع ابرآلود رہنے کا امکان ہے اور اسلام آباد سمیت خطہ پوٹھوہار میں بوندا باندی متوقع ہے جبکہ میدانی علاقوں دھند چھائی ہوئی ہے۔
موسم سرما کے آغاز سے ہی سردی کی لپیٹ میں رہنے والے صوبے بلوچستان کے موسم کے حوالے سے محکمہ موسمیات نے بتایا کہ صوبہ کا شمالی حصہ شدید سردی کی لپیٹ میں رہے گا جبکہ کوئٹہ میں درجہ حرارت منفی 6 اورقلات میں منفی 8 ڈگری سینٹی گریڈریکارڈ کیا گیا ہے۔
سندھ کے موسم سے متعلق محکمہ موسمیات کا کہنا ہے کہ صوبے کے بیشترعلاقوں میں آج موسم خشک اورسرد رہے گا جبکہ بالائی سندھ میں بھی دھند کا راج ہے۔ اس کے ساتھ ہی کراچی میں سمیت سندھ بھرمیں سردی کی لپیٹ میں ہیں۔
