حکومت کی جانب سے لگژری امپورٹڈ سامان پر ٹیکس 17 سے 25 فیصد کرنے کی تیاری کی جارہی ہیں۔

سیلزٹیکس کا نوٹی فیکیشن جاری کرنے کیلئے وفاقی کابینہ سے آج سرکولیشن سمری کے ذریعے منظوری لی جائے گی، جبکہ لگژری آئٹمز پر سیلز ٹیکس بڑھانے سے ایف بی آر کو 4 ماہ میں 15 ارب روپے کی آمدن ہوگی۔

سرکولیشن سمری کے ذریعے منظوری لے کرفیڈرل بورڈ آف ریونیو (ایف بی آر)نوٹیفکیشن جاری کرے گا، جبکہ امپورٹڈ الیکٹرونکس آئٹمز، امپورٹڈ میک اپ کے سامان پرسیلزٹیکس 25 فیصد ہوجائے گا۔

اس کےعلاوہ لپ اسٹک، فیس پاؤڈر، اور ڈرائرز پر بھی سیلز ٹیکس کی شرح 25 فیصدعائد ہوگی، جبکہ پالتوجانوروں کی امپورٹڈ خوراک، شوز پر سیلزٹیکس کی شرح 25 فیصد ہوجائے گی۔

امپورٹڈ برانڈ کے پرس، شیمپو، صابن، لوشن، آئی پوڈ، اسپیکرز، دروازوں، کھڑکیوں، برتنوں، امپورٹڈ باتھ فٹنگز، ٹائلز، سینٹری کا سامان، فانوس اور فینسی لائٹس پر سیلزٹیکس کی شرح 25 ہوجائے گی۔