ایوان صدر اسلام آباد میں فوجی اعزازت دینے کی تقریب جاری ہے۔
صدر مملکت عارف علوی مسلح افواج کے افسران اور غیر ملکی فوجی حکام کو اعزازات سے نواز رہے ہیں۔
اسپیکرقومی اسمبلی راجہ پرویز اشرف، مختلف شعبوں سے تعلق رکھنے والی شخصیات شریک ہیں۔
اس کے علاوہ تقریب میں آرمی چیف جنرل سید عاصم منیر اور چیئرمین جوائنٹ چیفس آف اسٹاف کمیٹی جنرل ساحر شمشاد مرزا بھی شریک ہیں۔
کیپٹن قیوم عباس کو ستارہ بسالت عطا کیا گیا، ایئرمارشل وقاص احمد اور میجر جنرل خرم نثار کو اعزازات دیے گئے جبکہ میجر جنرل قمرالنسا کو بھی فوجی اعزاز دیا گیا۔
گزشتہ روز یوم پاکستان کے موقع پر ایوان صدر میں پاکستان کے سپوتوں کو بڑے اعزازات سے نوازا گیا تھا۔
ایوان صدر میں صدر عارف علوی نے اعلیٰ کارکردگی پر سول اور ملٹری اعزازت تقسیم کیے تھے۔
میجر جنرل آصف غفور، وسیم اکرم ،عطا اللہ عیسیٰ خیلوی،اداکارہ ریما اور اداکارہ مہوش حیات سمیت دیگر کرکٹرز، فنکار اور فوجی حکام کو اعزازات سے نوازا گیا تھا۔
تقریب میں شہید جوانوں کی ماؤں اور بیواؤں کی آنکھوں سے آنسو چھلک پڑے تھے ۔
