ہدایت کار ابوعلیحہ کی فلم رواں سال عیدالاضحیٰ پر ریلیز ہوگی، فلم میں عائشہ عمر نے سنبل نامی لڑکی کا کردار اداکیا ہے۔
پاکستانی ہدایت کار و فلم نویس ابوعلیحہ کی فلم ٹکسالی کی عکس بندی مکمل ہوگئی ہے جس میں عائشہ عمر اور یاسر علی مرکزی کردار کررہے ہیں۔
اداکارہ عائشہ عمر نے اپنے کردار کے حوالے سے مداحوں کے ساتھ فلم کے سیٹ سے اپنی ایک جھلک شیئر کردی۔
فلم اس سال عیدالاضحیٰ پر ریلیز کی جائے گی جبکہ فلم کو دنیا کے مختلف فلمی میلوں میں بھی دکھایا جائے گاجو کہ اسکی بین الاقوامی نمائش کا پیش خیمہ ثابت ہوگا۔
فلم کی دیگر کاسٹ میں اداکارہ مہر بانو، نیئر اعجاز، عفت عمر، افتخار ٹھاکر، بابر علی، عمر عالم اور شہریار چیمہ شامل ہیں۔
