چیئرمین پی ٹی آئی عمران خان کی گزشتہ روز اسلام آباد ہائی کورٹ کے احاطے سے گرفتاری کے خلاف ملک کے مختلف شہروں میں شدید احتجاج جاری ہے۔

دارالحکومت اسلام آباد، کراچی، لاہور، پشاور، کوئٹہ سمیت دیگر بڑے شہروں میں پولیس اور مشتعل مظاہرین آمنے سامنے ہیں۔ پولیس اور مظاہرین کے درمیان جھڑپوں میں اہلکاروں سمیت متعدد افراد زخمی ہوچکے ہیں۔

دو روز سے جاری مظاہرین اور جلاؤ گھیراؤ میں سرکاری املاک، ایمبولینس، پولیس وینز، شہریوں کی گاڑیوں اور موٹر سائیکلوں تک کو شدید نقصان پہنچا ہے۔