نیو کراچی میں صبا سینما کے قریب فائرنگ کے نتیجے میں بچے سمیت تین افراد زخمی ہوگئے۔
واقعہ ڈکیتی مزاحمت پر پیش آیا جس سے بچے سمیت تین افراد زخمی ہوگئے۔ پولیس کے مطابق زخمی وکی نامی شخص،61 سالہ خاتون اوربچہ ایک ہی گلی میں موجود تھے۔
زخمی خاتون گھر کے باہر دُکان چلاتی ہیں جبکہ دوسرا شخص پرچون کی دکان پر موجود تھا، زخمی بچہ تندور کی دُکان سے روٹی خرید رہا تھا۔
پولیس نے دعوی کیا کہ علاقے میں واردات کے بعد ڈاکو فرارہورہے تھے گلی میں موجود توحید نامی شخص نے ڈاکو پرفائرنگ کردی، شبہ ہے توحید نامی شخص کی فائرنگ سے تینوں افرادزخمی ہوئے۔
