پاکستان میں دو روز مسلسل اضافے کے بعد ڈالر کی قیمت میں آج معمولی کمی ریکارڈ کی گئی ہے۔

اسٹیٹ بینک کے مطابق بدھ کے روز ملکی تبادلہ منڈیوں میں دو پیسے سستا ہو کر ڈالر 287 روپے 13 پیسے کی سطح پر بند ہوا ہے۔

رواں ہفتے کے ابتدائی تین دنوں میں ڈالر کی قیمت میں ایک روپے 31 پیسے کا اضافہ ہوا ہے جب کہ اوپن مارکیٹ میں امریکی کرنسی کی قیمت فروخت 308 روپے ہے۔

خیال رہے کہ گزشتہ روز انٹر بینک ڈالر کی قیمت 287 روپے 15 پیسے ریکارڈ کی گئی تھی۔