ملک میں مہنگائی کی شرح کم ہونے کے بجائے مزید بڑھ گئی رواں ہفتے مہنگائی کی شرح میں اعشاریہ اکیس فیصد کا اضافہ ہوا ہے،21 اشیائے ضروریہ کی قیمتیں مزید بڑھ گئیں۔

ادارہ شماریات کے مطابق سالانہ بنیادوں پر مہنگائی کی شرح 49.26 فیصد ہوگئی ہے، حالیہ ہفتے آلو، پیاز،چکن، ٹماٹر، لہسن، دال ماش، چینی، واشنگ سوپ، مہنگی ہوئیں ہیں۔

بیف، مٹن، کھلا دودھ، دہی ،چائے کی پتی اور چاول کی قیمتوں میں بھی اضافہ ہوا ہے جبکہ ٹماٹر کی قیمت میں 30 فیصد، پیاز21، چکن 7 فیصد مہنگا ہوا ہے۔

اس کے علاوہ 20 اشیائے ضروریہ کی قیمتوں میں استحکام رہا ہے۔ رواں ہفتے کے دوران 10 اشیاء کی قیمتوں میں کمی ریکارڈ کی گئی ہے۔