ایسوسی ایشن آف پرائیویٹ سیکٹر یونیورسٹیز کے چیئرمین نے وزیراعظم شہباز شریف کو خط لکھا ہے جس میں ہائیر ایجوکیشن کمیشن (ایچ ای سی) کی خود مختاری میں حائل رکاوٹیں دور کرنے کا مطالبہ کیا گیا ہے۔

خط میں کہا گیا ہے کہ ایچ ای سی ترمیمی بل 2023 کئی خدشات کو جنم دیتا ہے، بل سے اعلیٰ تعلیم کے معیار اور فروغ پر منفی اثرات پڑیں گے۔

ایسوسی ایشن آف پرائیویٹ سیکٹریونیورسٹیز کی جانب سے خط میں مزید لکھا گیا کہ ترمیمی بل سے اعلیٰ تعلیمی کمیشن کی خود مختاری کو نقصان پہنچے گا، سیکشن فور میں تبدیلیوں سے ایچ ای سی کا کردار متاثر ہوگا۔

خط میں مزید لکھا گیا کہ صوبائی ہائر ایجوکیشن کمیشنز کی خود مختاری پر بھی اثرات ہوں گے، صوبوں کی یونیور سٹیوں کی خود مختاری اور قیام بھی محدود کیا جارہا ہے۔