بالی ووڈ اداکار ادیتیہ رائے کپور نے گلوکاری کے میدان میں قدم رکھنے کا فیصلہ کرلیا اور جلد ان کی البم ریلیز ہوگی۔

بھارتی میڈیا سے گفتگو میں فلم ’عاشقی 2‘سے شہرت کی بلندیوں پر پہنچنے والے اداکار ادیتیہ کپور نے بتایا کہ وہ اپنی میوزک البم پر کام کررہے ہیں اور وہ جلد منظر عام پر آجائے گی۔

ان کا کہنا تھا کہ میوزک ہمیشہ سے ان کا جنون رہا ہے اور وہ اب گلوکاری میں اپنا کیریئر بنانے کیلئے بہت سنجیدہ کوشش کررہے ہیں۔

ادیتیہ کپور نے اس بات کا انکشاف بھی کیا کہ وہ ’دی نائٹ مینیجر‘ کی ریکارڈنگ کے دوران اسٹوڈیو میں ’عاشقی‘ فلم کے گانے گایا کرتے تھے۔

اداکار کی کچھ وڈیوز سوشل میڈیا پر وائرل ہوئی ہیں جس میں وہ ایک گٹار کے ساتھ گاتے ہوئے نظر آتے ہیں۔