فیصل آباد میں گلبرگ پولیس نے گرلز ہاسٹل پرچھاپہ مارنے والے ایس ایچ او کو معطل کردیا ہے۔
تھانہ گلبرگ پولیس نے دو روز قبل لیڈی پولیس کے بغیر گرلز ہاسٹل پر غیر قانونی چھاپہ مارا اور ہاسٹل میں سوئی لڑکیوں کو اٹھا کر تھانہ گلبرگ کے ریٹائرنگ روم میں بند کردیا تھا۔
آج نیوز نے ایس ایچ او کے ریٹائرنگ روم میں بند لڑکیوں کی فوٹیج حاصل کرلی، جس میں لڑکیوں کو تھانہ کے کمرے میں بیٹھے دیکھا جا سکتا ہے۔
ہاسٹل وارڈن نے مبینہ چھاپے کے خلاف سی پی او فیصل آباد کو درخواست جمع کروائی تھی۔ جس پر آر پی او نے نوٹس لیتے ہوئے ایس ایچ او احسان عادل کو معطل کرکے ایس ایس پی آپریشن کو انکوائری کا حکم دے دیا۔
