ایشیاکپ کے سپرفورمرحلے میں پاک سری لنکا ٹاکرا ایک طرح سے سیمی فائنل کی حیثیت اختیار کر چکا ہے کیونکہ گرین شرٹس اور لنکن ٹائیگرز دونوں ہی جیت کر سیمی فائنل کھیلنے کیلئے سردھڑ کی بازی لگائیں گی۔

اس اہم میچ سے قبل کولمبو کا موسم بارش کے ساتھ شائقین کی امیدوں پر ایک بارپھر پانی ڈالنے آرہا ہے۔

کولمبو میں 14 ستمبر کیلئے شیٖڈول اس میچ میں بھی بارش کی پیشگوئی کی گئی ہے جس کے مطابق اس روز بارش ہونے کا 86 فیصد امکان ہے۔

پاکستان کو سیمی فائنل تک رسائی کے لیے یہ میچ پر صورت جیتنا ہوگا کیونکہ بھارت سرلنکا کو ہرا کر ایونٹ کے سیمی فائنل میں جگہ بنا چکا ہے۔

اس جیت سے بھارت سپر 4 کے 2 میچز میں فتح سے 4 پوائنٹس لیکر2.690 نیٹ ریٹ کے ساتھ ٹاپ پرہے جبکہ بھارت سے ہارنے والی پاکستانی کرکٹ ٹیم 2 پوائنٹس کے باوجود تیسرے نمبر پر 1.892 کے منفی نیٹ ریٹ پر آگئی ہے۔

میزبان سری لنکا دوسری پوزیش پر ہے اور اس کا نیٹ ریٹ بھی گرین شرٹس سے بہتر ہے۔