کریملن نے اطلاع دی ہے کہ روسی صدر والدیمیر پیوٹن نے شمالی کوریا کے رہنما کم جونگ اُن کی پیانگ یانگ کے دورے کی دعوت کو ”شکریہ کے ساتھ قبول“ کر لیا ہے۔
شمالی کوریا کے سربراہ روس کے مشرق بعید میں ایک غیر معمولی اجلاس میں شرکت کیلئے روس پہنچے تھے۔
دمتری پیسکوف نے صحافیوں کو بتایا کہ کِم کا دورہ روس کئی دنوں پر محیط ہے۔
انہوں نے اس سربراہی اجلاس کو ”بروقت، مفید اور تعمیری“ قرار دیا اور کہا کہ ماسکو پیانگ یانگ کے ساتھ تعلقات کو فروغ دینا جاری رکھے گا۔
انہوں نے تصدیق کی کہ روسی وزیر خارجہ سرگئی لاوروف اکتوبر میں شمالی کوریا کا دورہ کریں گے۔
