ورلڈکپ 2023 کے لیے قومی اسکواڈ کو حتمی شکل دینے کے لیے چیف سلیکٹر انضمام الحق کپتان بابر اعظم سمیت ٹیم مینجمنٹ سے مشاورت کریں گے۔
ایشیا کپ میں روایتی حریف بھارت اور پھر سری لنکا سے شکست اور فاسٹ بولرز کی انجریز چیف سلیکٹر انضمام الحق کے لیے درد سر بن گئی۔
چیف سلیکٹر انضمام الحق کپتان بابر اعظم سے اتوار کے روز ملاقات کریں گے جبکہ ڈائریکٹر کرکٹ مکی آرتھر سے ٹیلی فونک رابطہ کرکے ورلڈکپ کے لیے ٹیم پاکستان کو حتمی شکل دینے کے لیے مشاورت کریں گے۔
ملاقات میں ان فٹ فاسٹ بولر نسیم شاہ کے متبادل فاسٹ بولرکے نام پر غور کیا جائے گا۔
پاکستان کو بڑا دھچکا، فاسٹ بولر نسیم شاہ ورلڈ کپ سےباہر
جبکہ فخر زمان، شاداب خان، فہیم اشرف اور محمد نواز کی پرفارمنس کا باریک بینی سے جائزہ لیا جائے گا اور ان کے متبادل آپشنز بھی زیر غور لائے جائیں گے۔
