پاکستان ویمنز کرکٹ ٹیم ایشین گیمز میں گولڈ میڈل کی دوڑ سے آوٹ ہو گئی، سری لنکا کے ہاتھوں گرین شرٹس کو سیمی فاٸنل میں 6 وکٹوں سے شکست کاسامنا کرنا پڑا۔
چین کے شہر ہانگ ژو میں ہونے والے 19 ویں ایشین گیمز میں خواتین کرکٹ کے سیمی فاٸنل میں پاکستان ٹیم نے پہلے بیٹنگ کرتے ہوے مقررہ 20اوورز میں 9 وکٹوں پر 75رنز بنا سکی۔
گرین شرٹس کے 8 بیٹرز ڈبل فگر تک نہ پہنچ سکے، شوال ذوالفقار 16، منیبہ علی 13 رنز بنا سکی کپتان ندا ڈار 9، عالیہ ریاض2 اور سدرہ امین 3 رنز بنا پائیں۔
سری لنکا کی کویشا دلہاری نے 2 اور ادیشیکا پروبھودانی نے 3 وکٹیں حاصل کیں۔
چین میں 19ویں ایشینز گیمز کی شاندار افتتاحیتقریب
جواب میں سری لنکا ویمنز نے 16.3 اوورز میں 4 وکٹوں کے نقصان پر مطلوبہ اسکور پورا کیا۔
پاکستان کی خواتین ویمنز کرکٹ ٹیم کل بنگلہ دیش کے خلاف برونز میڈل کے لیے مدمقابل ہوگی جبکہ فاٸنل میں سری لنکا کا مقابلہ انڈیا سے ہوگا۔
