سکھ رہنما کے قتل کی تحقیقات، امریکا کا کینیڈا کو خفیہ معلومات فراہم کرنے کا انکشاف
کینیڈین سکھ رہنما ہردیپ سنگھ نجار کے قتل کی تحقیقات میں امریکا کی جانب سے کینیڈا کی مدد کرنے کا انکشاف ہوا ہے۔
نیو یارک ٹائمز کے مطابق ہردیپ سنگھ نجر کے قتل کی تحقیقات میں امریکی انٹیلیجنس ایجنسی ملوث رہی، امریکی معلومات کی بنیاد پر کینیڈا نے سکھ رہنما کے قتل میں بھارت کے ملوث ہونے کو ثابت کیا۔
رپورٹ میں کہا گیا کہ امریکی انٹیلیجنس ایجنسی اپنے دوست ممالک کو خفیہ معلومات فراہم کرتی ہے، ماضی میں بھی امریکہ کینیڈا کو چین کے خلاف خفیہ معلومات فراہم کرتا رہا ہے۔
رپورٹس کے مطابق امریکا نے انٹیلیجنس اسٹریمز کے پیکج کے حصے کے طور پر کینیڈا کے ساتھ معلومات شیئر کی ہیں۔
یاد رہے کہ امریکی خارجہ خارجہ انٹونی بلنکن نے بھارت سے ہردیپ سنگھ نجار کے قتل پر احتساب کا مطالبہ کر رکھا ہے۔
دوسری جانب کینیڈا میں سکھ رہنما ہردیب سنگھ کے قتل کے بعد امریکی تحقیقاتی ایجنسی (ایف بی آئی) نے ملک میں سکھ رہنماؤں کو قتل کے خطرات کے باعث انہیں محتاط رہنے کی ہدایت کردی ہے۔