نگراں حکومت نے آڈیٹر جنرل پاکستان کو متعدد سرکاری کمپنیوں کے اسپیشل آڈٹ کرانے کی ہدایات جاری کردی ہیں۔
ذرائع کے مطابق تیل و گیس اور بجلی کی متعدد کمپنیوں کا آڈٹ کروایا جائے گا، کیونکہ وزارت خزانہ کو کمپنیز کے اپنے آڈیٹرز کی رپورٹس پر اعتماد نہیں ہے۔
ذرائع کا کہنا ہے کہ پٹرولیم ڈویژن اور پاور ڈویژن کی بیوروکریسی ان کمپنیوں کو ریموٹ کنٹرول کرتی ہے، کمپنیوں کے اصل مالی اور بدانتظامی کے باعث نقصانات جاننے کے لئے آڈٹ کی ہدایت کی گئی۔
ذرائع نے بتایا کہ نگراں حکومت سرکاری کمپنیوں کا انتظامی کنٹرول نجی شعبے کے حوالے کرنا چاہتی ہے، لہٰذا آڈٹ رپورٹس آنے کے بعد مختلف کمپنیوں کی نجکاری کے بارے میں فیصلہ کیا جائے گا۔
یہ بھی پڑھیں:
سرکاری کمپنیوں کو متعلقہ وزارتوں کی ماتحتی سے نکالیں گے، نگراں وزیرخزانہ
اس کے علاوہ منافع بخش یا منافع بخش ہو سکنے والے اداروں کا انتظامی کنٹرول نجی شعبے کو دیا جائے گا جب کہ نقصان دہ کمپنیوں کی فوری فروخت کی تجویز دی جائے گی۔
