سورینج کی کوئلہ مائن فیلڈ کے قریب سڑک کنارے گاڑی کے قریب دھماکا ہوا، جس میں ایک شخص جاں بحق ہوگیا، مرنے والے کی شناخت شبرمرزا کے نام سے ہوئی ہے۔
کوئٹہ کے نواحی علاقے سورینج کی کوئلہ مائن فیلڈ کے قریب سڑک کنارے گاڑی کے قریب دھماکا ہوا، دھماکے میں ایک شخص جاں بحق ہوگیا۔
واقعے کی اطلاع ملتے ہی پولیس اور ریسکیو کی ٹیمیں جائے وقوعہ پر پہنچ گئیں اور لاش کو اسپتال منتقل کردیا گیا۔
پولیس حکام کا کہنا ہے کہ جاں بحق شخص کی شناخت شبرمرزا کےنام سے ہوئی ہے، جو پاکستان منرل ڈیویلپمنٹ کارپوریشن کے پروجیکٹ منیجر تھے۔
حکام نے بتایا کہ پروجیکٹ منیجر شبر مرزا پی ڈی ایم سی کارپوریشن کی کوئلہ مائن فیلڈ پر جا رہے تھے، کہ راستے میں دھماکے کا شکار ہوگئے۔
