اسرائیل میں جنگی صورتحال کے بعد مختلف ممالک نے اپنی شہریوں کو نکالنا شروع کردیا۔
چلی کے اسرائیل اور فلسطین میں پھنسے 140 شہریوں کو نکالنے کے لیے خصوصی طیارہ تل ابیب روانہ کردیا جب کہ میکسیکو نے بھی اپنے شہریوں کو نکالنے کے لیے ایک طیارہ بھیج دیا ہے۔
حماس اور اسرائیلی افواج کے درمیان جھڑپ کے باعث متعدد غیر ملکی شہری ہلاک اور زخمی ہوئے جب کہ کئی افراد کو یرغمال بھی بنایا جا چکا ہے۔
رپورٹس کے مطابق اسرائیل اور حماس کی جاری جنگ میں 12 تھائی شہری ہلاک جب کہ 11 افراد کو یرغمال بنایا ہوا ہے۔ خطے میں جاری جنگ میں 11 ہلاکتوں کے علاوہ متعدد امریکی شہری گمشدہ ہوگئے ہیں۔
یہ بھی پڑھیں:
سعودی عرب جائز حقوق کے حصول کیلئے فلسطینی عوام کیساتھ کھڑا ہے، محمدبن سلمان
رپورٹ میں بتائیا گیا کہ اسرائیلی فوج کی فلسطین پر بمباری اور حماس کی جانب سے اسرائیل پر راکٹ حملوں میں 10 نیپالی، ارجنٹائن کے 7 شہری سمیت دو یوکرینی، دو فرانسیسی سمیت دیگر ممالک کے شہری ہلاک ہوچکے ہیں۔
اس کے علاوہ غزہ اور اسرائیل میں بڑھتی کشیدگی کے دوران 15 ارجنٹائن، 14 فرانسیسی، 4 روسی، 3 برازیلی اور دو اطالوی سمیت کئی افراد لاپتہ ہوگئے۔
