کراچی میں واٹرپمپ چورنگی کے قریب نجی بینک کے باہرکیش وین سے رقم لوٹنے کے واقعے کی سی سی ٹی وی فوٹیج منظرعام پرآگئی۔

سی سی ٹی وی فوٹیج میں موٹر سائیکل سوار دو ڈاکوؤں کو دیکھا جاسکتا ہے، جنہوں نے کیش وین کے قریب گارڈ سے رقم کا بیگ چھین لیا۔

ڈاکوؤں نے فائرنگ کی، تو قریب ہی واقع شادی ہال کے باہر بیٹھے ویٹر خوفزدہ ہوکر بھاگے، ملزم رقم لوٹ کر اور گارڈ پرفائرنگ کرکے سہراب گوٹھ کی جانب فرار ہوگئے۔