بھارتی ریلویز میں ملنے والا کھانا حفظان صحت کے حوالے ہمیشہ سے مسافروں کی جانب سے زیربحث رہا ہے لیکن چوہوں کی کچن میں گشت کرنے کی ویڈیونے پول کھول دیا۔

میڈیا رپورٹ کے مطابق سوشل میڈیا پر ٹرین کے کچن کی وائرل ہونے والی ویڈیو میں دیکھا جاسکتا ہے کہ وہاں موجود چوہے ضیافت اڑا رہے ہیں۔

ایک مسافر نے ثبوت کے طور پرویڈیو بنا کر اپنے انسٹاگرام پر پوسٹ کی، جو 15 اکتوبر کو اپنے اہل خانہ کے ساتھ ٹرین میں سفر کر رہے تھے۔

سفر کے دوران مسافر نے ٹرین کے کچن میں چوہوں کو آزادانہ گھومتے ہوئے دیکھا اور اپنے موبائل فون کا استعمال کرتے ہوئے اس منظر کو ریکارڈ کرلیا۔

مسافر نے اپنی پوسٹ میں مایوسی کا اظہار کرتے ہوئے لکھا کہ مجھے اس واقعے نے پریشان کردیا، میں سوچا تھا کہ میں ٹرین کے انجن کی تصویر بناؤں، ویڈیو بنانے کے لیے آ گے بڑھا تو چونکا دینے والا منظر دیکھا۔

مسافر نے کہا کہ میں نے 6 سے 7 چوہے دیکھے، جو کچن میں گھوم رہے تھے، میں اُن کی فوٹیج بنانے میں کامیاب ہوگیا۔