آئی سی سی ون ڈے ورلڈ کپ میں آسٹریلیا نے گزشتہ روز پاکستان کو 62 رنز سے شکست دی جس کے بعد پوائنٹس ٹیبل پر پاکستان کی چوتھی پوزیشن چِھن گئی۔

جمعے کو بھارتی شہر بنگلورو میں کھیلے گئے ورلڈ کپ کے اہم میچ میں آسٹریلیا نے پاکستان کے خلاف رنز کا پہاڑ کھڑا کر دیا، کینگروز نے بابر اعظم کی دعوت پر بیٹنگ کرتے ہوئے مقررہ 50 اوورز میں 9 وکٹوں کے نقصان پر 367 رنز بنائے۔

آسٹریلیا کی جانب سے ڈیوڈ وارنر نے 163 اور مچل مارش نے 121 رنز کی شاندار اننگز کھیلی۔

آسٹریلیا کے ٹاپ آرڈر کے آؤٹ ہوتے ہی پاکستانی بولرز نے کم بیک کیا، آسٹریلیا کا ٹوٹل مسلسل وکٹیں گرنے کی وجہ سے 367 پر رک گیا۔

پاکستان کی جانب سے شاہین آفریدی نے 10 اوورز میں 54 رنز دے کر 5 کھلاڑیوں کو آؤٹ کیا۔

پوائنٹس ٹیبل کی صورتحال

اب پوائنٹس ٹیبل پر پاکستان کی چوتھی پوزیشن چِھن گئی اور اب اس پوزیشن پر آسٹریلیا براجمان ہے جبکہ پاکستان پانچویں پوزیشن پر چلا گیا۔

اب آسٹریلیا چوتھے نمبر پر منفی 0.19 نیٹ رن ریٹ کے ساتھ موجود ہے جبکہ پاکستان کا نیٹ رن ریٹ منفی 0.46 ہوگیا۔

اس کے علاوہ پوائنٹس ٹیبل پر پہلی اور دوسری پوزیشنز ناقابلِ شکست رہنے والی بالترتیب نیوزی لینڈ اور بھارت کی ہیں۔

تیسری پوزیشن پر جنوبی افریقا اور چوتھی پر آسٹریلیا ہے، یہاں یہ بات بھی قابلِ ذکر ہے کہ ورلڈکپ کا سیمی فائنل پوائنٹس ٹیبل پر موجود 4 پوزیشنز کی ٹیمیں کھیلیں گی۔

مزید پڑھیں

ورلڈکپ مقابلوں میں پاکستان کتنی مرتبہ آسٹریلیا کو ہرانے میں کامیابہوا؟

آسٹریلیا نے ورلڈکپ میں پاکستان کیخلاف بڑا کارنامہ انجام دےدیا