پیپلز پارٹی رہنما اور سابق وزیر شرجیل انعام میمن نے کہا ہے کہ پیپلز بس سروس اسکیم کے دوسرے مرحلے کے بسوں کی کھیپ کراچی پہنچ گئی ہے۔

شرجیل میمن نے ”ایکس“ پر پیغام میں کراچی کے عوام کو خوشخبری سناتے ہوئے کہا کہ نئی بسیں عوام الناس کی سہولت کے لئے جلد سڑکوں پر ہوں گی۔

اپنے ٹوئٹ میں سابق وزیر شرجیل میمن نے لکھا کہ یہ بسیں پیپلز پارٹی کی سندھ حکومت نے خریدیں تھیں۔ ان بسوں کو پارٹی چیئرمین بلاول بھٹو زرداری کی ہدایات پر خریدا گیا تھا۔