پاکستان کرکٹ ٹیم کے کپتان بابر اعظم نے مخالف ٹیم کے کھلاڑی کو عزت دے کر مداحوں کے دل جیت لیے۔

گزشتہ روز آئی سی سی ورلڈ کپ کے دوران افغانستان کے خلاف میچ میں بیٹنگ کرتے ہوئے بابر اعظم اپنے جوتوں کے تسمے باندھنا چاہتے تھے کہ افغان آل راؤنڈر محمد نبی ان کی مدد کے لیے آگے آئے۔

تاہم بابر اعظم نے انہیں منع کر دیا اور اپنے جوتوں کے تسمے خود باندھے۔

محمد نبی نے بھی بابر اعظم کو اس رویے پر انتہائی خوشگوار انداز میں جواب دیا تھا۔

بابر اعظم اور محمد نبی کی یہ ویڈیو سوشل میڈیا پر وائرل ہو رہی ہے اور صارفین بابر اعظم کے اس انداز کی تعریف کر رہے ہیں۔

واضح رہے کہ گزشتہ روز ورلڈ کپ کے میچ میں افغانستان نے پاکستان کو 8 وکٹوں سے شکست دی تھی۔