پاکستان جنوبی افریقہ کے خلاف سیمی فائنل میں کامیابی حاصل کرنے کے لئے پر امید ہے اور اس حوالے سے بہت سی پیش گوئیاں بھی سامنے آئی ہیں۔
قومی کرکٹ ٹیم کے سابق کپتان شاہد آفریدی نے حال ہی میں گلین میکسویل کے میچ کو دیکھتے ہوئے ’افتی چچا‘ افتخار احمد کو ایک مشورہ دیا تھا لیکن وہ اس کا پاس نہ رکھ سکے۔
کپتان شاہد خان آفریدی نے کہا تھا کہ میں چاہتا ہوں افتخار احمد میکسویل جیسا کھیلیں، لیکن ایسا نہ ہو سکا۔
نیدر لینڈ کے خلاف میکسویل کی شاندار اننگز اور آسٹریلیا کی تاریخی کامیابی کو سراہتے ہوئے شاہد آفریدی نے اپنے سوشل میڈیا اکاؤنٹ ”ایکس“ پراپنی پوسٹ میں لکھا تھا کہ ’گلین میکسویل نے کیا شاندار اننگز کھیلی ہیں‘۔
انہوں نے لکھا کہ ’میکسویل نے ورلڈکپ کی ٹاپ کلاس پاور ہٹنگ دکھائی اور آسٹریلیا اس جیت کا حقدار ہے‘۔
شاہد آفریدی نے اپنی ٹوئٹ میں مزید لکھا کہ ’امید کرتا ہوں افتخار احمد قومی ٹیم کے لیے ایسا ہی کردار ادا کریں گے‘۔
ان کا مزید کہنا تھا کہ افتخار ایسی اننگز کھیلنے کی صلاحیت رکھتے ہیں کیونکہ ان پچز کو پاور ہٹنگ کے لیے تیار کیا گیا ہے تو ہم سب کو ایسی ہی اننگز کی ضرورت ہے۔
ورلڈ کپ: پاکستانی ٹیم کے اوپنرز جنوبی افریقہ کیخلاف ناکام
گرین شرٹس کی مایوس کُن کارکردگی، ذکا اشرف نے سرفراز احمد کو ملاقات کیلئے بلا لیا
ورلڈکپ مقابلوں میں پاکستان اور جنوبی افریقا میں سے کس کا پلڑا بھاری؟
لیکن آج کے میچ میں افتخار احمد 25 بالوں پر 21 رنز بنا کر کلاسن کی بال پر آؤٹ ہوگئے اور لوگوں کی امیدوں کو کم کر گئے۔
پاکستان نے اب تک ورلڈ کپ میں اپنے 5 میچز میں سے صرف 2 میں کامیابی حاصل کی ہے اور اس کے بعد مسلسل تین شکستوں کا سامنا کرچکا ہے۔
