بھارت میں جاری ورلڈ کپ کے سیمی فائنل تک رسائی حاصل نہ کرنے والی پاکستان ٹیم کی وطن واپسی کا شیڈول جاری کردیا گیا، قومی کرکٹرز اور آفیشلز ٹولیوں میں کولکتہ سے براستہ دبئی وطن لوٹیں گے۔
بھارت میں ہونے والے میگا ایونٹ میں قومی اسکواڈ کا سفر تمام ہوگیا، بھارت سے قومی کرکٹرز اور آفیشلز 12 نومبر (اتوار) کو کولکتہ سے 2 مختلف پروازوں سے براستہ دبئی وطن واپس پہنچیں گے۔
کھلاڑی 13 نومبر کو دبئی سے سیالکوٹ، اسلام آباد اور لاہور پہنچ کر اپنے اپنے گھروں کو روانہ ہوں گے۔
فاسٹ بولر حسن علی بھارت میں اپنے سسرال میں قیام کریں گے اور 22 نومبر کو بھارت سے وطن لوٹیں گے جبکہ ڈائریکٹر مکی آرتھر بھارت سے دبئی پہنچ کر 3 روز قیام کریں گے اور ان کی 16 نومبر کو لاہور آمد ہوگی۔
ورلڈکپ میں مایوس کن کارکردگی، ذکاء اشرف آئندہ ہفتے قومی کرکٹرز سےملاقات کریں گے
ورلڈ کپ کے بعد استعفیٰ: بابر اعظم نے قریبی ساتھیوں سے مشاورت شروعکردی
