سپریم کورٹ نے فیصلے میں کہا ہے کہ اگرٹرائل دوسال تک مکمل نہ ہوتوملزم ضمانت کا حقدار ہے، ضابطہ فوجداری قانون میں ٹرائل میں تاخیرکی حوصلہ شکنی کی گئی ہے۔

سپریم کورٹ کے جسٹس اطہرمن اللہ نے ضمانت سے متعلق اہم فیصلہ جاری کردیا ہے، فیصلے میں کہا گیا ہے کہ اگر ٹرائل دوسال تک مکمل نہ ہو تو ملزم ضمانت کا حقدار ہے، ضابطہ فوجداری قانون میں ٹرائل میں تاخیرکی حوصلہ شکنی کی گئی ہے۔

فیصلے میں کہا گیا ہے کہ جن قانونی وجوہات کی بنیاد پر ضمانت کی درخواست خارج ہو، انہی وجوہات کو بنیاد بنا کر دوبارہ ضمانت نہیں دی جاسکتی۔

فیصلے کے مطابق جس گراؤنڈ پر ضمانت دی جائے تو اسی گراؤنڈ پر دوبارہ ضمانت نہیں دی جاسکتی، ٹرائل میں تاخیر کی بنیاد پر ضمانت دی جاسکتی ہے۔

عدالت نے ملزم عثمان کی دولاکھ روپے ضمانتی مچلکوں کے عوض ضمانت کی درخواست منظور کرلی۔