پاکستانی نژاد برطانوی رکن اسمبلی ناز شاہ نے کہا کہ اسلامو فوبیا کے بڑھتے واقعات پر برطانوی مسلمان ملک چھوڑنے کا سوچ رہے ہیں۔
ناز شاہ نے پارلیمنٹ سے خطاب میں کہا کہ مسلمان برطانیہ میں اپنے بچوں کے مستقبل کے بارے میں پریشان ہیں، وہ مسلمانوں سے خصوصی سلوک کا مطالبہ نہیں کر رہیں۔
انہوں نے کہا کہ حکومتی اعداد و شمار مسلمانوں پر حملوں کے گواہ ہیں اور حملے بڑھ رہے ہیں، ان پر قابو پانے کی ضرورت ہے۔
ناز شاہ نے افسوس کا اظہار کرتے ہوئے کہا برطانوی حکومت اسلامو فوبیا کے بڑھتے ہوئے واقعات روکنے میں ناکام ہوگئی ہے جس وجہ سے برطانوی مسلمان ملک چھوڑنے کا سوچ رہے ہیں۔
