پاکستان انڈر 19 ٹیم کے ہیڈ کوچ محمد یوسف نے کھلاڑیوں کو پاک بھارت میچ عام میچ کی طرح لینے کا مشورہ دے دیا۔
اے سی سی انڈر19 ایشیا کپ میں روائتی حریف پاکستان اور بھارت کی ٹیمیں کل دبئی میں ٹکرائیں گی۔
اس حوالے سے انڈر 19 ٹیم کے ہیڈ کوچ محمد یوسف نے کہا کہ پاک بھارت میچ اعصاب شکن ہوتا ہے، کھلاڑیوں کو اسے عام میچ کی طرح لینے کا مشورہ دیا ہے، امید ہے کھلاڑی بھارت کے خلاف میچ میں عمدہ کارکردگی دکھا کر فتح کے تسلسل کو برقرار رکھیں گے۔
محمد یوسف نے کہا ہے کہ گزشتہ میچ میں تمام کھلاڑیوں نے اچھی کارکردگی پیش کی، سعد بیگ اور اذان اویس کی شراکت سے ہم نے ہدف با آسانی حاصل کرلیا۔
ہیڈ کوچ نے مزید کہا کہ میچ میں بولرز نے بھی ذمہ دارانہ بولنگ کی، محمد ذیشان میں ایک غیر معمولی ٹیلنٹ ہے، ذیشان کا مضبوط جسم اور قد اس کی بہت مدد کرتا ہے، بولر نے خود کو بیٹنگ میں بھی ثابت کیا۔
سابق پاکستانی کرکٹر نے ورلڈ کپ کی ٹرافی کیلئے کس ٹیم کو فیورٹ قراردیا؟
