لاہور میں مسلم لیگ (ن) کے ساہیوال ڈویژن سے پارٹی ٹکٹ امیدواروں کے نام فائنل کرنے کے لیے مرکزی پارلیمانی بورڈ کا اجلاس ہوا، جس میں سابق وزیراعظم نواز شریف نے امیدواروں سےعوام کو درپیش مسائل کے بارے میں سوالات کیے۔
مسلم لیگ (ن) کے آٹھویں مرکزی پارلیمانی اجلاس میں پارٹی قائد نواز شریف نے ساہیوال ڈویژن سے پارٹی ٹکٹ کے لیے امیدواروں کے انٹرویو کیے۔
امیدواروں سے ان کی اپنے اپنے حلقوں میں شہرت اور پارٹی سے وابستگی کے متعلق سوالات کیے گئے۔
ساہیوال ڈویژن سے قومی اسمبلی کی کل 9 اور پنجاب اسمبلی کی 20 نشستیں ہیں جن کے لیے شارٹ لسٹ امیدواروں کے ناموں پر فیصلہ کیا گیا اور حتمی امیدواروں کا اعلان بعد میں کیا جائے گا۔
اس سے پہلے پارلیمانی بورڈ سرگودھا،راولپنڈی،ملتان،بہاولپور اور ڈیرہ غازی خان کے علاوہ بلوچستان،خیبر پختونخوا کے مالاکنڈ اور ہزارہ ڈویژنز سے امیدواروں کے ناموں پر غور کر چکا ہے۔
العزیزیہ ملز ریفرنس میں نواز شریف کی بریت کا مختصر تحریری فیصلہجاری
