سیکورٹی فورسز نے شمالی وزیرستان کے ضلع میر علی کے جنرل علاقے میں انٹیلی جنس کی بنیاد پر آپریشن کیا، جس میں شدید فائرنگ کے تبادلے کے بعد دہشت گرد کمانڈر راہزیب المعروف کھورے سمیت پانچ دہشت گرد مارے گئے۔

پاک فوج کے شعبہ تعلقات عامہ (آئی ایس پی آر) کے مطابق 29 دسمبر کو مارے گئے دہشت گرد سیکورٹی فورسز کے خلاف دہشت گردی کی متعدد کارروائیوں کے ساتھ ساتھ بھتہ خوری اور معصوم شہریوں کی ٹارگٹ کلنگ میں بھی سرگرم رہے۔

آئی ایس پی آر کا کہنا ہے کہ کارروائی کے دوران اسلحہ اور گولہ بارود بھی برآمد کیا گیا۔

جھوٹی خبروں کے ذریعے تاثر دیا جارہا ہے جیسے ریاست اپنا وجود کھوتی جاری ہے، آرمی چیف

فوج کے شعبہ تعلقات عامہ کے مطابق اہل علاقہ نے آپریشن کو سراہا۔

ترجما ن پاک فوج کا کہنا ہے کہ علاقے میں پائے جانے والے دیگر دہشت گردوں کو ختم کرنے کے لیے سینی ٹائزیشن آپریشن کیا جا رہا ہے، کیونکہ سیکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔