** کینو سب ہی کا پسندیدہ پھل ہے جو بہت ذوق و شوق سے کھایا جاتا ہے۔ یہ انسانی صحت کو سرما میں ہونے والی بیماریوں سے بچانے میں بھی مفید ہے۔**
نہ صرف کینو بلکہ کینو کے چھلکے کا پاوٴڈربھی کر شماتی پاوٴڈر ہے جو جلد کو قدرتی چمک اور تازگی دیتا ہے۔
خواتین کینو کے چھلکے کا پاوٴڈر گھر پر ہی تیار کرسکتی ہیں۔ کینو کھانے کے بعد اس کے چھلکوں کو محفوظ کرلیں۔
اسے دو سے تین دن تک دھوپ میں رکھیں یہاں تک کہ خشک ہو کر سخت ہو جائیں۔ اب ان کو گرائنڈ کر کے پاوٴڈر بنا لیں اور کسی بوتل میں محفوظ کر لیں۔
کینو کے چھلکے کے پاوٴڈر کو دہی میں مکس کرکے چہرے پر لگائیں اور ہلکے ہاتھوں سے اسکرب کریں پھر پندرہ منٹ بعد دھو لیں۔ یہ جلد سے چکنائی کم کرکے رنگت نکھارتا ہے۔
پاوٴڈر کو انڈے کی سفیدی اور لیموں کے چند قطروں کے ساتھ مکس کرکے پندرہ منٹ چہرے پر لگا رہنے دیں اور پھر دھو لیں۔
دانتوں کی پیلاہٹ پن ختم کرنے کیلئے اس پاوٴڈر کی پیسٹ بنا کر یا پاوٴڈر کو دانتوں پر روزانہ ملیں، یہ دانتوں کو سفید کردے گا۔
