پاکستان مسلم لیگ(ن) کے صدر اور سابق وزیراعظم شہباز شریف نے حکومت سازی کے لیے متحدہ قومی موومنٹ (ایم کیو ایم) پاکستان کے سربراہ ڈاکٹر خالد مقبول صدیقی سے ٹیلی فونک رابطہ کرکے ملاقات کی خواہش کا اظہار کردیا جبکہ شہباز شریف نے ملک کو بحرانوں سے نکالنے کے لیے مل کر حکومت بنانے کے لیے ملاقات کی خواہش کا اظہار کیا۔
قائد ن لیگ نواز شریف کی ہدایت پر صدر ن لیگ حکومت سازی کے لیے سیاسی جماعتوں سے رابطوں میں مصروف ہیں۔
ایم کیوایم پاکستان ذرائع کے مطابق مسلم لیگ (ن) کے صدر شہباز شریف نے خالد مقبول صدیقی سے ٹیلیفونک رابطہ کرکے انہیں انتخابات میں کامیابی پر مبارک باد پیش کی۔
شہباز شریف نے مرکز میں حکومت سازی کے لیے ڈاکٹر خالد مقبول صدیقی سے ملاقات کی خواہش کا اظہار کیا اور کہا کہ ملک کو بحرانوں سے نکالنے کے لیے مل کر حکومت بنانے کے لیے ملاقات کی جائے۔
شہباز شریف نے کہا کہ ملک کے بہتر مستقبل کے لیے باہمی مشاورت سے راستے نکالے جائیں۔
ذرائع کا کہنا تھا کہ ڈاکٹر خالد مقبول صدیقی نے شہباز شریف کا شکریہ ادا کیا اور جواب دیا کہ انتخابی نتائج کے مکمل حصول اور رابطہ کمیٹی سے مشاورت کے بعد جواب دیں گے۔
اس سے قبل مسلم لیگ ن کے صدر شہباز شریف نے سابق صدرآصف زرداری سے بھی ملاقات کی۔
نواز شریف کی آزاد امیدواروں کو ن لیگ سے مل کر حکومت بنانے کیدعوت
قومی اسمبلی کے 250 حلقوں کے سرکاری نتائج: آزاد 99، ن لیگ 71، پی پی 53حلقوں پر کامیاب
ہم بکاؤ پارلیمنٹ میں نہیں جائیں گے، محمود خان اچکزئی کااعلان
