آل سندھ صرافہ جیولرز ایسوسی ایشن کے مطابق ہفتے کو سونے کی قیمت میں 3,500 روپے کا زبردست اضافہ ریکارڈ کیا گیا ہے۔

قیمتوں میں اضافے کے بعد پاکستان میں سونا فروخت کے لیے 220,300 روپے فی تولہ پر موجود ہے۔

جبکہ 10 گرام سونے کی قیمت بھی 3,001 روپے اضافے سے 188,872 روپے تک پہنچ گئی ہے۔

اسی طرح 10 گرام 22 قیراط سونے کی قیمت 170,382 روپے سے بڑھ کر 173,132 روپے ہوگئی۔

چاندی کی قیمت بھی 30 روپے اضافے سے 2600 روپے فی تولہ ہوگئی جبکہ 10 گرام چاندی کی قیمت 25.72 روپے اضافے سے 2229.08 روپے ہوگئی۔

مارچ میں بین الاقوامی منڈی میں سونے کی قیمتوں کا آغاز مثبت نوٹ پر ہوا، جمعے کو قیمتیں دو ماہ کی بلند ترین سطح پر پہنچی ہوئی تھیں۔