وزیر خزانہ محمد اورنگزیب نے اداروں کی نجکاری کو لازمی قرار دے دیا ہے، وہ الیکشن آفس کے باہر میڈیا سے گفتگو کر رہے تھے۔
لاہور میں الیکشن آفس کے باہر گفتگو میں وزیر خزانہ محمد اورنگزیب کا کہنا تھا کہ ہمارا ایجنڈا صرف عمل درآمد اور نفاذ کا ہے۔
حکومت کا کام کاروبار چلانا نہیں مگر پالیسیاں بنانا، اگر ادارے پختہ ہوں تو سب کچھ ممکن ہے۔
وزیر خزانہ کا نجکاری سے متعلق کہنا تھا کہ اداروں کی نجکاری ضروری ہوگی، اس میں سر فہرست پاکستان انٹرنیشنل ائیرلائن ہے، جبکہ اداروں کو چلانے کے لیے نجی شعبے کو آگے آنا ہوگا۔
پاکستانی شہریت سے متعلق وزیر خزانہ کا کہنا تھا کہ انہیں پاکستانی شہریت حاصل کر کے بہت اچھا لگا ہے۔
