ڈیرہ اسماعیل خان اور شمالی وزیرستان میں انٹیلیجنس بنیادوں پر آپریشن کیے گئے جن میں 11 دہشت گرد ہلاک ہو گئے جب کہ بلوچستان میں پشین کے سنزلہ پہاڑ میں سکیورٹی فورسز کا دہشت گردوں کے خلاف آپریشن جاری ہے

آئی ایس پی آر کے مطابق ڈیرہ اسماعیل خان میں شدید فائرنگ کےتبادلہ میں 10 دہشت گرد ہلاک ہوئے ۔

جبکہ شمالی وزیرستان میں آپریشن کےدوران ایک دہشتگرد مارا گیا۔

انٹیلیجنس بنیادوں پر آپریشن دہشتگردوں کی مبینہ موجودگی کی اطلاع پر کیا گیا۔

دوسری جانب پشین کے سنزلہ پہاڑ میں سکیورٹی فورسز کا دہشت گردوں کے خلاف آپریشن جاری ہے، آپریشن کے دوران لیویز اہلکار کو شہید کرنے والے دو دہشت گرد مارے گئے۔

Click to see more

ڈپٹی کمشنر نے آپریشن کے دوران فائرنگ سے 2 دہشت گردوں کے ہلاک ہونے کی تصدیق کی۔

انھوں نے کہا کہ پشین میں آپریشن میں متعدد دہشتگرد زخمی بھی ہوئے۔

ہلاک دہشت گرد رسالدار لیویز حمیداللہ کی شہادت میں ملوث تھے۔