بھارت میں آج لوک سبھا کے انتخابات کا دوسرا مرحلہ ہے، 18 ویں لوک سبھا انتخابات کے دوسرے مرحلے میں 13 ریاستوں اور مرکز کے زیر انتظام علاقوں کی 88 سیٹوں کے لئے پولنگ جاری ہے۔

بھارتی میڈیا کے مطابق اتر پردیش، راجستھان، مہاراشٹرا، کیرالا، بہار اور دیگر ریاستوں میں ووٹنگ ہورہی ہے۔

بھارتی انتخابات سات مراحل میں یکم جون تک جاری رہیں گے جبکہ نتائج کا اعلان چار جون کو کیا جائے گا۔

الیکشن کے پہلے مرحلے میں 21 ریاستوں اور مرکز کے زیر انتظام علاقوں کے 102 حلقوں میں 19 اپریل کو ووٹ ڈالے گئے تھے۔

بھارتی میڈیا کے مطابق لوک سبھا انتخابات کے دوسرے مرحلے میں 13 ریاستوں کی 88 نشستوں پر انتخابات ہو رہے ہیں۔ سب کی نظریں کیرالہ کی وائناڈ اور ترواننت پورم کے ساتھ ساتھ اتر پردیش کی متھرا اور میرٹھ کی ہائی پروفائل سیٹوں پر ہیں۔