لاہور اور کراچی میں پاسپورٹ دفاتر اتوار سمیت 24 گھنٹے کھلے رہیں گے۔

وفاقی وزیر داخلہ محسن نقوی نے عوام کی سہولت کے لئے بڑا اقدام اٹھاتے ہوئے دونوں شہروں میں ایک، ایک پاسپورٹ دفتر 24 گھنٹے کھولنے کا فیصلہ کیا۔

محسن نقوی نے لاہور اور کراچی میں پاسپورٹ دفاتر 24 گھنٹے کھلے رکھنے کا اعلان ”ایکس“ پر جاری ایک بیان میں کیا۔

انھوں نے کہا کہ عوام کو آسانیاں فراہم کرنے اور سہولت فراہم کرنے کے لئے لاہور اور کراچی دونوں میں کم از کم ایک پاسپورٹ آفس 24/7 (دن کے چوبیس گھنٹے، ہفتے کے سات دن) کھلا رہے گا۔ اس سے ہر کسی کو کسی بھی وقت پاسپورٹ خدمات تک رسائی آسان ہوجائے گی۔