بنگلا دیش میں نرسنگدی شہر کے قریب زلزلے کے جھٹکے محسوس کیے گئے، جس کی شدت 5.7 ریکارڈ کی گئی۔ جرمن ریسرچ سینٹر برائے جیوسائنسز (جی ایف زیڈ) کے مطابق زلزلے کا مرکز زمین کی سطح سے تقریباً 10 کلومیٹر گہرائی میں تھا۔

رائٹرز کے مطابق زلزلے کے جھٹکے دارالحکومت ڈھاکہ سمیت ملک کے مشرقی حصوں میں بھی محسوس کیے گئے۔ امریکی جیولوجیکل سروے کے مطابق نرسنگدی، دارالحکومت ڈھاکہ سے تقریباً 40 کلومیٹر مشرق میں واقع ہے۔

پولیس کے مطابق زلزلے میں اب تک پانچ افراد ہلاک اور 100 سے زائد زخمی ہونے کی اطلاعات ہیں۔ زلزلے کے نتیجے میں متعدد عمارتیں بھی متاثر ہوئیں۔

زلزلے کے جھٹکے دارالحکومت ڈھاکہ اور بھارت کے مشرقی سرحدی علاقوں میں بھی محسوس کیے گئے۔

بنگلادیش کا بھارت سے شیخ حسینہ کی حوالگی کا مطالبہ

ریسکیو حکام کے مطابق زخمیوں میں زیادہ تر وہ افراد شامل ہیں جن کے اوپر تعمیراتی مواد، اینٹیں اور سیمنٹ کے ٹکڑے گرے جس کی وجہ سے انہیں چوٹیں آئیں۔

مقامی حکام کا کہنا ہے کہ وہ زلزلے کے اثرات اور ممکنہ خطرات کی نگرانی کر رہے ہیں تاکہ کسی بھی ہنگامی صورتحال سے فوری طور پر نمٹا جاسکے۔