ملک بھر میں سونے کی قیمت میں مسلسل دوسرے روز بڑا اضافہ ریکارڈ کیا گیا ہے۔ فی تولہ سونا 11 ہزار روپے مہنگا ہونے کے بعد 4 لاکھ 49 ہزار 236 روپے کا ہوگیا۔

آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت 11 ہزار 300 روپے اضافے کے بعد  4 لاکھ 49 ہزار 236 روپے ہوگئی۔

اسی طرح 10 گرام سونے کی قیمت 9688 روپے کے اضافے سے 3 لاکھ 85 ہزار 147روپے ہوگئی۔

ایسوسی ایشن کے مطابق عالمی بازار میں سونے کا بھاؤ 113 ڈالرز کے اضافے سے 4268 ڈالرز فی اونس ہوگیا۔

واضح رہے کہ گزشتہ روز بھی سونے کی قیمت میں 10 ہزار روپے کا اضافہ ہوا تھا۔