پیپلزپارٹی کے چیئرمین بلاول بھٹو زرداری نے گزشتہ روز وفاقی وزیرداخلہ کی جانب سے پیپلزپارٹی کو بچہ پارٹی کہنے پر ٹوئٹرپرردعمل ظاہرکردیا۔

سانحہ سول اسپتال کی کمیشن رپورٹ سامنے آنے کے بعد سے وزیر داخلہ چوہدری نثار تنقید کی زد میں تھے۔ پیپلز پارٹی تو اس سے پہلے سے ہی نیشنل ایکشن پلان پر عمل نہ کرپانے پر وزیر داخلہ کا استعفیٰ مانگ رہی تھی۔

آج پیپلزپارٹی کے چیئرمین بلاول بھٹو زرداری سماجی رابطے کی ویب سائٹ ٹوئٹرپرکافی سرگرم رہے۔ بلاول نے وفاقی وزیرداخلہ چوہدری نثاراحمد کے بیان پربھرپورردعمل دیااور کہا ہاں میں بچہ ہوں، ہاں میں بے نظیربھٹوکا بچہ ہوں۔مجھ سے ڈرکررہو۔

بلاول نے ایک اورٹوئٹ بھی کیا جس میں ان کا کہنا تھا کہ ہم دہشتگردوں اوران کے سہولت کاروں کے سامنے نہیں جھکیں گے۔