بھارتی فلم  اسٹار رجنی کانت  جلد تامل ناڈو میں سیاسی جماعت بنانے کا علان کریں گے۔

میڈیا رپورٹس کے مطابق  66 سالہ اداکار کو سیاسی جماعت بنانے کا مشورہ  آر ایس ایس کے سینئر نظریاتی رہنما ایس گورو مرتھی نے دیا ہے ۔ جس کے سبب حکومتی سطح پر ایک افراتفری کی صورت حال  پیدا ہو گئی ہے۔

 بھارتی میڈیا کی جانب سےکہا جا رہا ہے کہ یہ سوچ بھارتی جنتا  پارٹی کے منصوبے کا حصہ ہے ا ور  فی الحال تامل ناڈو میں جلد انتخابات نہیں ہونگے ۔جبکہ بولی وڈ اسٹار کے دوست امیتابھ بچن نے  مشورہ دیا ہے کہ وہ سیاست سے دور رہیں۔

 واضح رہے کہ امیتابھ بچن  سیاست میں 1980 کی دہائی میں اس وقت آئے تھے  ، جب وہ اتر پردیش  کے شہر  الٰہ آباد سے لوگ سبھا کی نشست  پر کانگریس کے ٹکٹ پر کامیاب ہوئے تھے۔