سنی دیول کے بیٹے کرن دیول والد کے نقش قدم پر چلتے ہوئے  جلد ہی بالی ووڈ انڈسٹری میں انٹری ماریں گے۔

 سری دیوی کی بیٹی جھانوی کپور، سیف علی خان کی بیٹی سارا علی خان اوراب لیجنڈ اداکاردھرمیندر کی تیسری نسل یعنی ایکشن ہیرو سنی دیول کے بیٹے کرن دیول بھی بالی ووڈ میں جلد ہی انٹری کرنے جارہے ہیں۔

اداکارسنی دیول نے اپنے بیٹے کرن دیول کی رومانوی فلم 'پل پل دل کے پاس' کے لیے ہیروئن بھی تلاش کرلی ہے جو پہلی باربڑے پردے  پر نظر آئیں گی،  18 سالہ سحر بمبا کا تعلق شملہ سے ہے،  فلم کیلئے ہیروئن کی تلاش کے بعد شوٹنگ کا جلد آغاز کردیا جائے گا  جب کہ فلم کی پروڈکشن خود سنی دیول خود کریں گے۔