وقت ہمیشہ ایک جیسا نہیں رہتا اور نہ ہی اسے واپس لایا جاسکتا ہے، گزرتا وقت ہر چیز کو بدل کر رکھ دیتا ہے۔ اب بولی وڈ اداکاروں کی ہی مثال لے لیجیئے جب انہوں نے اپنے کیریئر کی ابتداء کی تو وہ کیا تھے اور اب اپنے آپ میں ہی ایک سپر اسٹار بن گئے ہیں۔

آج ہم آپ کو بولی وڈ کے مشہور اداکاروں کے کیریئر کی ابتداء میں سامنے آنے والی مشکلات اور جدوجہد ے بارے میں بتانے جارہے ہیں۔ انہوں وقت کو اپنے لئے کیسے تبدیل کیا جان کر آپ بھی حیران رہ جائیں گے۔

دھرمیندرا

دھرمیندرا اپنے کیریئر کی ابتداء میں کمائی کے لئے پلمبر کا کام کرتے تھے۔ لیکن اگر اب انہیں دیکھا جائے تو کوئی سوچ بھی نہیں سکتا کہ یہ کسی وقت پلمبر ہوں گے۔

شاہ رخ خان

شاہ رخ خان سیریل 'فوجی' میں بریک ملنے سے قبل اوبرائے ہوٹل کے باہر سڑک پر سویا کرتے تھے۔ تاہم بریک ملنے کے بعد انہوں نے شہرت کے بلند ترین مقام کو چھو کر بولی وڈ کے بادشاہ کا خطاب حاصل کیا۔

جیکی شروف

ایک اسٹار بننے سے قبل جیکی شروف کام کی غرض سے 6 سال تک ٹرینوں میں دھکے کھا چکے ہیں لیکن اب انہوں نے اپنے بیٹے کو بھی انڈسٹری میں لانچ کردیا ہے۔

رجنی کانتھ

ساؤتھ انڈین انڈسٹری کے سب سے بڑے اسٹار رجنی کانتھ اب بے شمار لوگوں کے لئے آئیڈیل ہیں۔ وہ فلم انڈسٹری میں قدم رکھنے سے قبل ایک بس کنڈیکٹر تھے۔

ارشد وارثی

ارشد وارثی فلم انڈسٹری میں آنے سے قبل ایک آؤٹ ڈور سیلز مین تھے۔ انہیں کافی عرصے تک چھوٹے موٹے رولز کرنے کے بعد بالآخر 'تیرے میرے سپنے' میں بریک مل ہی گیا جس کے بعد انہوں نے پیچھے مڑ کر نہیں دیکھا۔

منوج باجپائی

منوج باجپائی ایک اسٹار بننے سے قبل سلام بالک ٹرسٹ دہلی میں ایک ٹیچر کے فرائض سرانجام دیتے تھے۔ ایک وقت میں وہ 2000 روپے میں سیریل میں کام کرچکے ہیں۔

مادھوری ڈکشت

دھک دھک گرل مادھوری ڈکشت نے مائیکرو بائیولوجسٹ بننے کی خاطر پڑھائی کی۔ لیکن انہیں 'ابودھ' فلم میں اداکاری کا موقع مل گیا جہاں انہوں نے ایک نوعمر شرمیلی لڑکی کا کردار نبھایا۔ مادھوری نے اپنے ڈانس مووز اور اداکاری سے اپنی قسمت کو بدل لیا۔

اکشے کمار

اکشے کمار انڈسٹری میں بریک ملنے سے قبل ایک کھانا پکانے والے اور فوٹو گرافر کے اسسٹنٹ (جس کے لئے انہیں کچھ بھی نہیں ملتا تھا) کے طور پر کام کرچکے ہیں۔ تاہم محنت اور لگن نے آج انہیں ایک برانڈ بنادیا۔

گووندا

کامیابیوں کی سیڑھیاں چڑھنے سے قبل گووندا ایک کھاد کے اشتہار میں کام کرچکے ہیں۔ انہیں کئی مرتبہ رجیکٹ کیا گیا تاہم اب وہ ایک سپر اسٹار ہیں۔

امیتابھ بچن

امیتابھ بچن کا شمار بولی وڈ کے لیجنڈ اداکاروں میں ہوتا ہے ابتداء میں انہیں کام کے عوض محض 500 روپے ماہانہ ملا کرتے تھے اور اب تو آپ جانتے ہی ہیں۔

Thanks to entertales