سلمان خان بولی وڈ کا ایک ایسا نام ہیں جنہیں بچے، بڑے، نوجوان اور بزرگ سب ہی پسند کرتے ہیں۔ وہ 'بینگ ہیومن' کے نام سے ایک ٹرسٹ بھی چلاتے ہیں جس سے غریبوں کی مدد کی جاتی ہے۔

جہاں ان کی رحم دلی کے جتنے چرچے بہت مشہور ہیں وہیں کبھی کبھار وہ اتنے ہی سنگ دل بھی بن جاتے ہیں۔ آج ہم آپ کو سلمان خان کے ہاتھوں پٹائی کھانے والے بولی وڈ سلیبریٹیز کے بارے میں بتانے جارہے ہیں۔

یہ بھی پڑھیں: سلمان خان کی زندگی میں آنے والی خواتین کی فہرست

سلمان خان نے عوام کے درمیان کس کس کی پٹائی کی ذیل میں ملاحظہ کریں۔

ایشوریا رائے؎

سلمان خان سے مار کھانے والی سلیبریٹیز میں سب سے پہلا نام ہے ایشوریا رائے کا۔ جیسا کہ آپ جانتے ہی ہونگے سلمان اور ایشوریا کے درمیان نوک جھونک چلتی رہتی تھی۔ ایک مرتبہ سلمان خان نے انہیں عوام کے درمیان طمانچہ مارا اور نازیبا الفاظ کا استعمال بھی کیا۔

رنبیر کپور

ممبئی کے ایک مشہور کلب میں ایک پارٹی کے دوران سلمان خان اور رنبیر کی ملاقات ہوئی۔ اسی دوران کسی بات پر دونوں میں تو تکار ہوئی۔ اسی تو تکار کے عالم میں سلمان خان کے صبر کا پیمانہ لبریز ہوا جس پر انہوں نے عوام کے درمیان ہی رنبیر کے منہ پر قرارا طمانچہ دے مارا۔

کترینہ کیف

ذرائع کے مطابق ایک فلم کے سیٹ پر کترینہ کیف ایک انتہائی چھوٹا لباس زیب تن کرکے آئیں جس پر سلمان خان کو بے انتہاء غصہ آیا اور کترینہ کے منہ پر سب کے سامنے طمانچہ دے مارا۔

سبھاش گھئی

فلم 'یووراج' کی شوٹنگ کے دوران سلمان خان اور سبھاش گھئی کے درمیان کسی بات پر جھگڑا ہوا۔ اس حوالے سے سلمان خان کا کہنا تھا کہ 'کبھی کبھار آپ خود پر سے قابو کھو بیٹھتے ہیں، اس شخص نے مجھے چمچ سے مارا، تقریباً میرے منہ پر ایک پلیٹ توڑ دی، میرے جوتوں پر پیشاب کیا اور مجھے گردن سے پکڑا۔ اس دوران میں نے اپنا آپا کھو دیا۔ لیکن اگلے دن مجھے ان سے معافی مانگنے جانا پڑا"۔

Thanks to viral.laughingcolours