مسکراہٹ ہماری جسمانی اور ذہنی صحت کیلئے بہترین دوا شمار کی جاتی ہے۔ ہمارے معاشرے میں ایسے کئی لوگ ہیں جو کہ اپنے اہلخانہ کے چہروں پر اپنے مزاح سے مسکراہٹیں بکھیرتے ہیں۔ تاہم کارٹون کریکٹرز کا شمار ان کرداروں میں ہوتا ہے جن کے ذریعے  ہمارے چہروں پر کرسی پر بیٹھے بیٹھے ہی مسکراہٹیں آجاتی ہیں۔ ذیل میں ایسے کارٹوں کریکٹرز بیان کیے گئے ہیں جو کہ پاکستان میں بچوں اور بڑوں سب میں یکساں مقبول ہیں۔

 سپر مین

سپرمین کے بارے میں پاکستان میں کون نہیں جانتا ، اس پر سب سے پہلے کامک سیریز لکھی گئی جس کے بعد سپر مین پر انیس سو چھیانوے میں اینی میٹڈ سیریز ریلیز ہوئی جو کہ فوری طور پر ہی دنیا میں چھا گئی۔

 مکی ماوس

مکی ماوس کو اگر مسکراہٹ کی علامت کہا جائے تو بے جا نہ ہوگا، مکی ماوس کا شمار تمام کارٹونز میں سب سے مقبول کرداروں میں ہوتا ہے۔ اور اسکو ڈزنی کمپنی کی پہچان مانا جاتا ہے۔

اسکوبی ڈو

اسکوبی ڈو کو دوہزار تیرہ میں ایک سروے کے مطابق پانچواں سب سے مشہور کارٹون کریکٹر قرار دیا گیا ہے۔ یہ سب سے پہلے انیس سو انہتر میں کارٹون سیریز کے طور پر سامنے آیا جس کے بعد سے اسکی مقبولیت تسلسل کے ساتھ بڑھتی چلی گئی۔

بگز بنی

بگز بنی کارٹون کریکٹر بھی اپنے طنزومزاح سے بھرپور اداکاری کے سبب بچوں اور بڑوں میں بے درجہ مقبول ہے۔ اب تک یہ کریکٹر کئی فلموں میں بھی جلوہ گر ہوچکا ہے۔

ڈیفی ڈک

ڈیفی ڈک کے کارٹون کریکٹر سے کون واقف نہیں ہے۔ اسکو بگز بنی کا سب سے بہترین دوست مانا جاتا ہے۔ ایک سروے میں اسکو چودہواں سب سے مقبول کارٹون کریکٹر قرار دیا گیا ہے۔

جیری

ٹام اینڈ جیری میں جیری کے کردار سے ہر کوئی آگاہ ہے۔ جیری نے نہ صرف اپنی شاطر ذہنیت سے بچوں کے دل جیتے بلکہ اپنی شرارتوں سے اسنے بڑوں کے دلوں میں بھی اپنا گھر بنایا۔

سمسن

دا سمسن کی اینی میٹڈ سیریز کے کارٹون کریکٹر ہامر سمسن نے بھی کافی عوام میں مقبولیت حاصل کی۔ سمسن  بھی تمام کارٹونز میں سب سے زیادہ مقبول ہونے والا کردار ہے۔