بھارت نے انٹرنیشنل اولمپک کمیٹی کو غیرملکی اور خصوصاً پاکستانی ایتھلیٹس کو مستقبل میں ویزے جاری کرنے کی یقین دہانی کرادی۔

تفصیلات کے مطابق بھارتی کی جانب سے اس یقین دہانی کے بعد انٹرنیشنل اولمپک کمیٹی نے بھارت پر عائد انٹرنیشنل ایونٹس کی میزبانی کرنے کی پابندی اٹھالی۔

رواں برس فروری میں بھارت نے پاکستانی شوٹرز کو ویزے جاری نہ کئے تھے جس پر پاکستان کی جانب سے شکایت دائر کی گئی تھی، پاکستان کی شکایت پر آئی او سی نے بھارت پر عالمی ایونٹس کی میزبانی پر پابندی عائد کردی تھی۔