Aaj TV News

COVID-19 TOTAL DAILY
CASES 255,769 2165
DEATHS 5,386 66
Sindh 107,773 Cases
Punjab 88,045 Cases
Balochistan 11,239 Cases
Islamabad 14,315 Cases
KP 31,001 Cases

وزیراعظم عمران خان کی جانب سے پارٹی اراکین اور اتحادیوں کو عشائیہ کی دعوت دی گئی۔عشائیہ کی تقریب سے خطاب میں وزیراعظم عمران خان نے واضح کردیا کہ حکومت کہیں نہیں جارہی،اپنی مدت پوری کریں گے۔

وزیر اعظم ہاؤس میں دیےگئےعشائیےمیں خطاب میں وزیر اعظم کا کہنا تھاکہ روز خبر ملتی ہے، آج جارہا ہوں کل جارہا ہوں۔ ہر روز نئے محاذ کا مقابلہ کرتا ہوں۔آج سمجھوتہ کر لوں تو کوئی مسئلہ نہیں۔کرپٹ عناصر کے خلاف کارروائی ضرور ہوگی۔حالات کا ڈٹ کر مقابلہ کروں گا۔پانچ سال آسانی سے پورے کرسکتا ہوں۔

وزیراعظم نےاتحادیوں سے کہامشکل حالات میں ‏بہترین بجٹ پیش کیا۔عوام کو ہر ممکنہ ریلیف فراہم کیاگیا۔حکومتی اوراتحادی ارکان حاضری یقینی بنائیں۔ہرصورت بجٹ منظور کرایا جائےگا۔ وزیراعظم نے اتحادیوں کو ساتھ لے کر چلنے کا عزم دہراتے ہوئے کہاکہ اہم فیصلوں میں ہمیشہ اتحادیوں سے مشاورت کی۔تمام اتحادیوں کے تحفظات دور کریں گے۔

وزیراعظم نے کہاکہ تحریک انصاف اپنے نظریے پر ہر حال میں قائم ہے۔چینی اور پی آئی اے حادثہ کی رپورٹیں دباؤ کے باوجود جاری کیں۔

وزیراعظم عمران نے عشائیے میں شریک ارکان کے مطالبات اورتحفظات بھی سنے۔

وزیراعظم نے کہا کہ ارکان پارلیمنٹ اور ان کے حلقوں کے مسائل سے بخوبی آگاہ ہوں۔ارکان قومی اسمبلی کو ترقیاتی فنڈز فراہم کئے جائیں گے۔