پاکستان اسٹاک ایکس چینج پر حملے کے باوجود سارا دن اسٹاک مارکیٹ میں معمول کے مطابق کاروبار جاری رہا۔

سیشن کے اختتام پر ہنڈریڈ انڈیکس دو سو بیالیس پوائنٹس اضافے سے چونتیس ہزار ایک سو اکیاسی پر بند ہوا۔

دہشت گردوں نے اکنامک بیرومیٹر پر بزدلانہ حملہ کیا ، اسٹاک بروکرز نے آنکھوں دیکھا حال بیان کیا اور کہا صبح دس بجے حملہ ہوا لیکن ٹریڈنگ میں ایک سیکنڈ بھی خلل نہ آیا۔

معروف بروکر عقیل کریم ڈھیڈھی نے واقعے کی سخت مذمت کی، پاکستان اسٹاک ایکس چینج میں کاروبار اپنے وقت کے مطابق سہ پہر ساڑھے تین بجے بند ہوا۔

مارکیٹ نے پازیٹیو ٹرینڈ میں موو کر کے دہشت گردوں کو واضح پیغام دے دیا کہ مارکیٹ ہر قسم کی دہشت گردی کو مسترد کرتی ہے۔